TIRANË- Sot, si çdo të mërkurë u ndoq tradita për mbledhjen e Këshillit të Ministrave. Teksa dilnin njëri pas tjetrit nga Kryeministria, LSA ka mundur që të kapë disa foto të tyre. Pas mbledhjes së Këshillit të Ministrave, Adea Pirdeni, Ministrja e Shtetit për Administratën Publike dhe Antikorrupsionin dhe Blendi Gonxhja, Ministër i Ekonomisë, Kulturës dhe Inovacionit, patën shfaqjen tyre të parë me detyrën e re në qeveri.
FOTOT E LSA:
Teksa Gonxhja doli vetëm nga Kryeministria, Pirdeni shoqërohej nga ministri i Drejtësisë, Ulsi Manja. Ky i fundit, vetëm pak javë më parë ka qenë shefi i saj, por sot duket se po i jepte këshilla teksa dilnin nga mbledhja të dy së bashku. Kamera ka kapur edhe ministrin e Brendshëm, Taulant Balla, i cili i ka përshëndetur fotografët me një shkelje syri./ZËRI
