TIRANË- Me kalimin e kohës, audienca po bëhet gjithnjë e më e pandjeshme ndaj dhunës në ekran, gjë që reflektohet në mënyrën se si trajtohen sot filmat që më parë konsideroheshin të diskutueshëm. Shumë filma që do të ishin vlerësuar me "R"(nën 17 vjeç kërkon prindin ose kujdestarin e rritur) në vitet 1950 dhe 1960, sot meritojnë një kategorizim ndryshe.
Megjithatë, 5 filma mbeten në sferën e “ilegales”, që vetëm frymëzon shikuesit e përkushtuar dhe kureshtarë për t’i kërkuar edhe më shumë. Kuptohet, ka arsye të panumërta pse çdo film mund të ndalohet dhe motivi ndryshon nga vendi në vend, por dhuna ekstreme priret të jetë arsyeja më e zakonshme për ndalimin e filmit.
5 filmat që u ndaluan për dhunën e tyre:
Një film serb (Srđan Spasojević, 2010)
I ndaluar në Australi, Brazil, Zelandën e Re, Korenë e Jugut, Malajzi, Singapor dhe Spanjë. Një nga filmat më të dhunshëm të të gjitha kohërave me skena që tronditin dhe mbeten përgjithmonë në kujtesë.
Grotesku (Kōji Shiraishi, 2009)
Jo shumë larg konceptit bazë të ekskluzivitetit Saw, Grotesku portretizon një mjek që rrëmben një çift të ri dhe i detyron ata të luajnë një lojë torturuese për mbijetesë. Një film plot skena të ashpra që trondit këdo që e sheh.
Salò, ose 120 Ditët e Sodomës (Pier Paolo Pasolini, 1975)
Salò ose 120 Ditët e Sodomës u ndalua vetëm tre javë pasi regjisori Pier Paolo Pasolini u kap, u rrah dhe më pas u dogj nga mafia italiane. Filmi u shfaq për një kohë të shkurtër në Itali përpara se të hiqej nga kinematë dhe mbetet i ndaluar në disa vende edhe sot. Historia e fashistëve të shthurur që rrëmbejnë një grup adoleshentësh për t'i nënshtruar dhunës, torturës, sadizmit dhe manipulimit emocional, ka gjetur një mbrojtës tek Martin Scorsese, i cili ka firmosur një dokument ligjor që mbështet vlerën artistike të filmit.
Holokausti kanibal (Ruggero Deodato, 1980)
Skenat e abuzimit, torturave, mizorisë ndaj kafshëve, vdekjes dhe dëshpërimit të plotë garantuan ndalimin e filmit në shumë vende, ndaj edhe Holokausti Cannibal vazhdon si një nga filmat më famëkeq të realizuar ndonjëherë.
Fytyrat e vdekjes (John Alan Schwartz, 1978)
Një tjetër film i shthurur dhe i dhunshëm është Faces of Death, i cili u ndalua në 46 vende./ZËRI
