TIRANË – Prishja e lojës nga banorët e Big Brother Vip ka shkaktuar një debat të ashpër, kryesisht mes Romeos dhe Julit. Romeo u acarua, pasi grupi i tij i ka prishur lojën. Ai tha se kjo ndodhi, pasi Juli ka urdhëruar grupin e tij për ta bllokuar tualetin dhe për të mos ua mundësuar atyre, marrjen e abdesit, për t’u falur më pas.
Juli, nga ana tjetër, së bashku me anëtarët e tjerë të grupit, e konsideruan veprimin e Romeos si një justifikim. Në debat hynë edhe banorët e tjerë të BBVIP.
Debati mes banorëve të Big Brother Vip:
Juli: E përdore për Zotin.
Romeo: Ku e përdora?
Juli: I the këtij pa sedër, pa karakter.
Romeo: I kisha të gjitha për ty plako, se ti ishe lideri i atij grupi.
Juli: Për çfarë e ke me mua. Unë të lashë të hysh.
Romeo: Nuk luhet pisët atje.
Juli: Unë të lashë të hysh. E përdore fenë për këtë punë. E përdore abdesin për këtë punë. Pikë muhabeti.
Romeo: Je lideri i grupit, që more vendimin për të bllokuar banjon.
Juli: Unë e kam marrë në grup vendimin.
Bardhi: Mua më thirri Vini për t’u falur, unë i thashë jo, se po ruajmë tualetin.
Romeo: Po se të tha ai ta bllokosh. Ta dha ai detyrën (Juli).
Bardhi: Ishte vendim në grup. Unë nuk desha të falem për të mos humbur asnjë lojë. Ti erdhe brenda, duke thënë jeni burra pa karakter dhe sedër.
Gabriele: Ti e përdore këtë, prandaj nuk na erdhi mirë. Sepse abdes mund të merret edhe tek vaska.
Ervini: Je gabim vllai (i drejtohet Gabrieles). Mos u fut në këto gjëra. A kishit lider Julin, u krye ky muhabet./ZËRI/
