POLONIA- Pas shkarkimit të Fernando Santos nga stoli i kombëtares polake, menjëherë pas ndeshjes së humbur në Tiranë, ka ardhur trajneri i ri që do të drejtojë Levandovskin me shokë deri në fund të fazës kualifikuese të “EURO 2024”.
Mikal Probierz do të ulet në stolin e skuadrës polake, me lajmin që është njoftuar vetë nga ana e federates polake, e cila duket të jetë e zhgënjyer me rezultatet e fundit.
Probiertz ishte trajneri i kombëtares U-21, teksa tashmë do të marrë në drejtim kombëtaren A.
“Mikal Probierz është trajneri i ri i kombëtares polake. Kjo është zgjedhja më e mirë e mundshme. I uroj trajnerit të ri fat”, shkruan presidenti i federatës, Çezari Kulesha.
Kujtojmë që Fernando Santos u shkarkua nga drejtimi i skuadrës pas humbjes 0-2 në “Air Albania” përballë Shqipërisë, me Poloninë që shikon shanset e saj për të shkuar në Gjermani t’i veniten.
Pas kalimit të më shumë se gjysmës së fazës së grupeve, Polonia ndodhet në vendin e katërt të grupit E, i cili për momentin kryesohet nga Shqipëria./Zëri
