ANGLI - Një burrë është arrestuar me dyshimin për vrasje nga pakujdesia në lidhje me vdekjen e lojtarit të hokejit Adam Johnson, të cilit iu pre qafa gjatë një ndeshjeje.
Lojtari i Nottingham Panthers u dëmtua për vdekje nga një patinë, në një ndeshje kundër Sheffield Steelers më 28 tetor.
29-vjeçari u dërgua në spital, ku u konstatua i vdekur. Një ekzaminim pas vdekjes konfirmoi se ai vdiq si rezultat i një dëmtimi fatal në qafë, tha Policia e Yorkshire-it. Detektivët arrestuan të dyshuarin të martën, duke shtuar se ai mbeti në paraburgim.
Vdekja e Johnson, i cili ishte nga Minesota e SHBA, shkaktoi një pikëllim në të gjithë botën. Johnson luajti për Augsburger Panther në Gjermani, përpara se të kalonte te Nottingham Panthers në gusht./Zëri.ai/
