TIRANË- 14 ditë na ndajnë nga dita e zgjedhjeve parlamentare të 11 majit dhe 11 parti janë në garë për të fituar terren në sallën e Kuvendit të Shqipërisë, për legjislaturën e ardhshme.
Partia Demokratike, me në krye Sali Berishën kërkon rotacion dhe rikthim në pushtet, ndërsa socialistët kërkojnë mandatin e tyre të katërt. Partitë e tjera, kërkojnë të dëshmojnë se edhe pse të reja dhe të vogla, mund të fitojnë besimin e qytetarëve për t'i përfaqësuar në Kuvend. Ndaj edhe ZËRI ka hapur një sondazh në faqen zyrtare me pyetjen: Nëse zgjedhjet parlamentare do të mbahen nesër, ju cilën parti nga 11 në fletën e votimit, do të zgjidhnit për t'ju përfaqësuar? Klikoni në faqen tonë zyrtare dhe votoni. Rezultatet e sondazhit, si një kampion i trendit, do të publikohen pas disa ditësh në faqen tonë, por edhe në kanalet tona në rrjetet sociale.
