TIRANË-Apeli i Gjykatës së Posaçme ka lënë në fuqi dënimet me burg për 16 të pandehurit e grupit të Bruno Çobos, të akuzuar për mashtrimin e qytetarëve europianë përmes Call Center-ave. Grupi i drejtuar nga Bruno Çobo ka përfituar rreth 4.7 milionë euro duke mashtruar shtetas europianë, kryesisht italianë. Bruno Çobo është dënuar nga Shkalla e Parë me 12 vite burg, por me gjykim të shkurtuar zbret në 8 vite. Çobo u ekstradua nga Abu Dhabi drejt Shqipërisë më 13 mars 2024. Ai ishte shpallur në kërkim nga SPAK, pasi në bashkëpunim me të pandehurit e tjerë, ishte pjesë e rrjetit të mashtrimeve përmes Call Center-ave në dëm të shtetasve italianë. Ekstradimi i Çobos shënoi rastin e parë të ekstradimit nga Dubai drejt Shqipërisë, i realizuar përmes bashkëpunimit mes autoriteteve të dy vendeve.
/ZËRI
