TIRANË- Detaje të tjera janë zbuluar nga dosja hetimore ndaj oficerit të Antiterrorit, Igli Haxhiaj, i cili është lënë në arrest me burg nga Gjykata Kundër Korrupsionit dhe Krimit të Organizuar, në kuadër të operacionit të përbashkët të SPAK me Prokurorinë e Breshias, ku u godit rrjeti i gjerë i tafikut të kokainës dhe heroinës. Igli Haxhiaj dyshohet se ka dhënë informacione në këmbim të parave në drejtim të shtetasve që kanë qenë pjesë e këtij hetimi, që konsiderohej ‘sekret’. Sipas bisedave të zbardhura tashmë, Igli Haxhiaj ka pasur komunikim me "kokat" e grupit, në kohën kur ai ka pasur funksionin e Oficerit të Policisë Gjyqësore në Forcën e Posaçme Operacionale në Drejtorinë e Përgjithshme të Policisë së Shtetit. Në këto biseda, Haxhiaj i komunikon njërit prejt kokave të grupit, informacionin që ai vetë, bashkëshortja e tij, e ëma dhe një person i afërt ishin në përgjim. Ai shprehet i gatshëm që të japë informacione të tjera, por vetëm në këmbim të vlerës monetare që shkon 15 mijë euro. Po ashtu në bisedat e tij rezulton se ka komunikuar edhe për tregtimin e lëndëve narkotike.
/ZËRI
