SHKODËR- Pasditen e sotme një aksident i rëndë është regjistruar në aksin Shkodër-Koplik, në fshatin Grizhë, ku janë përfshirë tre automjete.
Tre makina janë përplasur me njëra-tjetrën dhe si pasojë, një person ka humbur jetën dhe tre të tjerë kanë mbetur të lënduar. Policia dhe grupi hetimor po punojnë për të zbardhur shkaqet e ngjarjes.
NJOFTIMI I POLICISË
Rreth orës 16:25, në aksin rrugor “Shkodër–Koplik”, në fshatin Grizhë, automjeti me drejtues shtetasin A. M. është përplasur me automjetin me drejtues shtetasin V. X. dhe më pas me automjetin me drejtues shtetasin E. Gj.
Si pasojë e aksidentit, ka humur jetën në Spitalin Rajonal Shkodër shtetasi Z. M., pasagjer në automjetin me drejtues shtetasin A.M., dhe janë dëmtuar lehtë dy drejtuesit e automjeteve dhe pasagjerja shtetasja Gj. M., të cilët ndodhen në Spitalin Rajonal Shkodër, jashtë rrezikut për jetën
/ZËRI
