TIRANË-Gazetari dhe ish-banori i “Big Brother Albania”, Elton Tozaj, ka rënë pre e një dhune mbrëmjen e djeshme (26 dhjetor). Raportohet se persona ende të paidentifikuar kanë dhunuar barbarisht gaeztarin në autostradën Tiranë-Durrës, duke i shkaktuar dëmtime të rënda në fytyrë.
Sipas një postimi nga familjarët gazetari rrezikon të humbasë shikimin. Por përveç denoncimit të dhunës, familja me anë të një postimi në rrjete sociale, ka bërë edhe një thirrje publike misterioze drejtuar një vajze të njohur të ekranit. Të afërmit e gazetarit kërkojnë që një personazh i showbizz-it, i cili frekuenton pikërisht personat që kanë dhunuar Tozajn, të distancohet publikisht sot. Ndër të tjera kërkojnë që vajza e showbizzit për të cilën nuk jepet emër, të sqarojë se çfarë e lidh atë vajzë me trekëndëshin Rruga Ura - Patok - Kodra e Diellit.
POSTIMI:
Ditën e djeshme, rreth orës 19:30, në autostradën Tiranë-Durrës, gazetari Elton Tozaj është dhunuar në mënyrë barbare nga persona tashmë të identifikuar. Kërkojmë veçanërisht që një personazh i showbiz-it, i cili frekuenton pikërisht këta persona, të distancohet publikisht sot dhe të sqarojë se çfarë e lidh atë vajzë me trekëndëshin Rruga Ura - Patok - Kodra e Diellit. Eltoni është në luftë për të mos humbur shikimin dhe shpresojmë që së shpejti të jetë përsëri si dikur, mes nesh. Me shumë dashuri, familja.
/ZËRI
