Foto ilustruese
VLORË- Një fëmijë vetëm tre vjeç ka humbur jetën pasi ka rënë nga ballkoni i një pallati në zonën e Skelës në Vlorë. Ngjarja e rëndë ka ndodhur mbrëmjen e kësaj të diele, ndërsa i mituri dyshohet se ka rënë nga kati i katërt.
Sipas informacioneve të para, mësohet se vogëlushi ka rënë nga ballkoni i apartamentit të tij teksa ishte duke luajtur.
Pas njoftimit, në vendngjarje kanë mbërritur menjëherë shërbimet e urgjencës, të cilat e transportuan fëmijën drejt Spitalit Rajonal të Vlorës.
Pavarësisht ndërhyrjes dhe përpjekjeve intensive të stafit mjekësor, fëmija nuk ka arritur t’i mbijetojë plagëve dhe ka ndërruar jetë pak minuta më vonë./ZËRI
Poll
