TIRANË- Policia e Tiranës ka identifikuar personin që dhunoi personazhin e rrjeteve sociale Genard Hajdini dhe babanë e tij. Hetim në gjendje të lirë ka nisur për një 40-vjeçar të identifikuar si Shkelzën Gashi, por edhe për një 25-vjeçare me inciale A.P. Policia sqaron se 40-vjeçari akuzohet për plagosje të lehtë me dashje, ndërsa e reja që e shoqëronte akuzohet për veprime që pengojnë zbulimin e së vërtetës. E reja, kur është marrë në pyetje nga Policia ka dhënë dëshmi kontradiktore, me qëllim për të shpëtuar të dyshuarin nga ndjekja penale.
“U referuan materialet në Prokurori, ku nisi procedimi në gjendje të lirë për shtetasin Sh. G., 40 vjeç, për veprën penale “Plagosja e lehtë me dashje”, dhe për shtetasen A. P., 25 vjeçe, për veprën penale “Veprime që pengojnë zbulimin e së vërtetës”. Nga hetimet e kryera dyshohet se më datë 03.08.2025, në ambientet e një lokali në rrugën “Bardhyl”, shtetasi Sh. G. ka goditur me grushte shtetasit P. H. dhe G. H. (babë e bir), ndërsa shtetasja A. P., e cila shoqërohej me 40-vjeçarin, në momentin e ngjarjes, ka dhënë deklarime kontradiktore, me qëllim shmagien e përgjegjësisë penale për shtetasin Sh. G.,”- thuhet në njoftimin e Policisë./ZËRI
