TIRANË-Gjykata Kushtetuese ka nisur proceduart për zgjedhjen e kryetarit të ri pas përfundimit të mandatit të Holta Zaçajt. Mbledhja u mbajt nga kryetarja Marsida Xhaferllari e cila vendosi fillimin e procedurave. Sipas vendimit gjyqatarët që kanë interes për postin e Zaçajt mund të paraqesin një kërkesë me shkrim brenda 5 ditëve nga sot.
Gjykata Kushtetuese vendosi në dhjetor të vitit të kaluar mbarimin e mandatit të kryetares Zaçaj. Ky vendim i dha fund ngërçit ligjor mes këtij institucioni dhe Gjykatës së Lartë, e cila kishte hapur garën për zëvendësimin e saj.
Kujtojmë se Gjykata e Lartë shpalli fitues Asim Vokshin për zëvendësimin e Zaçajt si anëtare. Në përfundim të mandatit të saj si gjyqtare dhe drejtuesje e institucionit, Zaçaj publikoi edhe një njoftim me reflektime mbi punën dhe arritjet gjatë periudhës 2023–2025./ZËRI
