TIRANË-Drejtoresha për Mediat dhe Informim, Manjola Hasa doli sot para kryeministrisë, teksa po zhvillohet protesta e studentëve dhe pedagogëve. Hasa u përball me protestuesit dhe pedagogët, duke u bërë thirrje për dialog. Drejtoresha e MIA i pyeti nëse dëshirojnë të bëhet një dialog, duke theksuar se ndodhet aty në emër të kryeministrit Edi Rama. Por njoftimi i saj nuk është pranuar nga protestuesit, të cilët të vendosur rreth e rrotull saj kanë deklaruar se nuk ka dialog dhe kërkojnë dorëheqjen e Edi Ramës.
View this post on Instagram
"Unë jam këtu nisur nga ftesa e hapur për dialog, për këdo që është i interesuar të dialogojë me kryeministrin. Ka studentë, të rinj, qytetarë që janë të interesuar të dialogojnë. Unë jam këtu. Unë nuk jam këtu të flas në cilësinë e vendimmarrëses. Jam në emër të qeverisë. Qytetarët që duan të bëjnë këtë dialog me kryeministrin janë të mirëpritur, i kanë dyert e hapura", tha Manjola Hasa.
