Atentati në Lushnjë! Autorët i bënë pritë, 'Juli i Pashakos' 'kyç gojën' para Policisë! 6 të shoqëruar
LUSHNJË-Policia ka shoqëruar 6 persona në Komisariat në lidhje me atentatin e ndodhur ditën e sotme në Lushnjë, ku tre persona qëlluan me breshëri kallashnikovi ndaj Julian Sulos. Ky i fundit i njohur edhe si 'Juli i Pashakos' është shoqëruar në Komisariat për të dhënë dëshminë e tij, por deri tani ka preferuar të heshtë në lidhje me ngjarjen, duke mos dhënë asnjë informacion mbi autorët apo rrethanat e atentatit.
45-vjeçari rreth orës 11 të kësaj të marte sapo kishte dalë nga banesa e tij në Karbunarë pa e ditur se në hyrje të Lushnjes do të binte pre e një atentati nga 3 persona që i kishin ngritur pritë. Sula po qarkullonte me makinë pranë stadiumit, drejt tij u qëllua me breshëri kallashnikovi nga 3 persona që dolën nga një mjet i parkuar në zonë.
Sula u gjet i plagosur në këmbë dhe mjekët ligjor do të saktësojnë rrethanat e këtij dëmtimi. Ndërkohë pas atentatit autorët u larguan drejt fshatit Lifat aty ku braktisën mjetin me targa greke dhe i vunë flakën. Brenda mjetit u gjet edhe një kallash, i cili do të analizohet me imtësi nga ana e Policisë me qëllim identifikimin e autorëve./ZËRI
Dhjetra gëzhoja në rrugë dhe mjeti i djegur i autorëve, çfarë la pas atentati ndaj rivalit të Aldo Bares
LUSHNJË-Julian Sula i njohur si 'Juli i Pashakos' dhe rival i Aldo Bares, i ka shpëtuar një atentati të organizuar ndaj tij në qytetin e Lushnjës. Sula po lëvizte me makinë në afërsi të spitalit të Lushnjës, kur autori/ët i kanë zënë në pritë dhe kanë qëlluar në drejtim të tij me breshëri kallashnikovi. Si pasojë e të shtënave 'Juli i Pashakos' ka mbetur i plagosur në këmbë, ndërsa në vendngjarje janë gjetur dhjetra gëzhoja.
Ndërkohë në afërsi të fshatit Lifaj, është konstatuar një automjet duke u djegur, i cili dyshohet se u përket autorëve. Mjeti i djegur tip 'Nissan' rezulton me targa greke, bënda të cilit u gjetën armë zjarri.
Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve./ZËRI
Qëllohet me armë drejt rivalit të Aldo Bares, kush është "Juli i Pashakos” shënjestra e atentatit në Lushnjë
LUSHNJË-Julian Sula është shënjestra e atentatit në Lushnjë, të ndodhur mesditën e sotme. Ngjarja ka ndodhur në rrugën “Misto Mame”, ku ndaj automjetit në të cilin ndodhej Sula është qëlluar me breshëri nga tre persona të cilët ndodheshin në një tjetër makinë në lëvizje. Julian Sula i njohur edhe si "Juli i Pashakos" ka mbetur i plagosur në këmbë, ndërsa ndodhet jashtë rreikut për jetën.
Njoftimi i policisë:
Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën. Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.
Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve. Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.
Kush është 'Juli i Pashakos', kundërshtari i betuar i Aldo Bares
Julian Sulo njihet ndryshe si Juli Pashakos, i cili është një emër i njohur për policinë e shtetit. "Juli i Pashakos” nga të gjithë njihet si një nga kundërshtarët e betuar të Aldo Bares, pjesëtarit të bandës së Lushnjes.
Sulo është shoqëruar në polici edhe në vitin 2017, si i dyshuar për përfshirje në një atentat në tetor të atij viti ku mbetën të vrarë dy persona, miq të nipit të Bares, por u la i lirë për mungesë provash. Konkretisht Sula ishte ndër të dyshuarit për atentatin ku u vranë Jurgen Hoxha dhe Zamir Latifi, miq të nipit të Aldo Bares, por ai para hetuesve deklaroi se nuk kishte asnjë lidhje me këtë krim.
Ndërkohë, më 11 qershor 2016, Julian Sulo u plagos pas ndeshjes Shqipëri-Zvicër në një pikë bastesh nga Arjan Aliço, anëtar i bandës së Aldo Bares. Ngjarja ndodhi në një pikë bastesh në pronësi të Arjan Aliços, ky i fundit së bashku me djalin e tij, është konfliktuar fizikisht me “Julin e Pashakos”. Arjan Aliço fillimisht iu shmang Policisë së Shtetit, por sërish përfundoi pas qelisë së burgut. Atje... u dhunua nga Dorjan Shurdhi dhe Anterio Kaloshi, dy miqtë e Laert Haxhiut, në shenjë hakmarrje të plagosjes së “Julit të Pashakos”. Sulo nuk përmendi kurrë emrin e ushtarit të Aldo Bares si autor, por Arjan Aliçko mori përsipër krimin dhe ndodhet në burg.
Në nëntor të vitit 2019, Sulo u shoqërua në Polici si i dyshuar për përfshirjen në atentatin ndaj prokurorit Arian Ndoja në qytetin e Durrësit. Nga atentati me armë zjarri mbeti i vrarë shoferi i prokurorit, Andi Maloku, ndërsa u plagos vetë Ndoja dhe i forti i Sukthit, Landi Muharremi.
Në vitin 2021 Gjykata e Lushnjës urdhëroi sekuestrimin e pasurive të Julian Sulos. Krimi Ekonomik dhe Financiar ushtroi kontroll në banesën e tij, ku u gjetën dhe sekuestruan në cilësinë e provës materiale 70 000 euro dhe 1 automjet tip 'Porche' me vlerë rreth 100 000 euro. Ndaj tij ishte marrë edhe më parë vendimi i sekuestros në 2019-tën kur 45- vjeçari u hetua si i dyshuari kryesor për vrasjen e Besnik Hidos në 1 tetor./ZËRI
Atentat në Lushnjë! Qëllohet drejt makinës së Julian Sulës, dërgohet me urgjencë i plagosur drejt spitalit
LUSHNJË-Të shtëna me armë zjarri janë raportuar paraditen e kësaj të marte në Lushnjë.
Burime bëjnë me dije për ZËRI se është qëlluar me armë zjarri në drejtim të makinës së Julian Sulës, i njohur ndryshe dhe si Juli i Pashakos.
Paraprakisht njoftohet se tre persona kanë qëlluar në drejtim të automjetit në lëvizje në afërsi të kryqëzimit të spitalit të këtij qyteti.
Si pasojë e të shtënave ka mbetur i plagosur Sula, ndërsa makina e autorëve u gjet e djegur.
Julian Sula është një personazh i njohur i botës së krimit në Lushnje, i skeduar në disa ngjarje, ndërsa njihet dhe si rival i grupit të Aldo Bares.
“Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J.S, 45 vjeç, i cili ndodhet jashtë rrezikut për jetën.
Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve. Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.
Grupi hetimor në drejtimin e Prokurorisë po punon për zbardhjen e plotë të rrethanave të ngjarjes”, njoftoi zyrtarisht policia e Lushnjes./ZËRI
