GJERMANI- Autoritetet gjermane kanë zbuluar një skemë mashtrimi në qendër të të cilit qëndron një shtetas 50-vjeçar izraelit dhe gjeorgjian, pjesë e një grupi të njohur, i cili ka shkaktuar një dëm financiar prej rreth 230 milionë eurosh, raporton media gjermane. Bëhet fjalë për një rrjet mashtrimi ndërkombëtar të njohur si "Grupi Milton", të Amant Josifit, i cili ka zhvatur në zonën gjermanishtfolëse, mbi 1 mijë njerëz, të cilët kanë rënë viktimë e mashtrimit.
Ndërkohë, zyra e Prokurorit Publik të Bambergut, Zyra Qendrore e Krimit Kibernetik të Bavarisë, ka ngritur padi ndaj 50-vjeçarit dhe bëri me dije lajmin përmes një deklarate publike. Sipas mediave gjermane, 50-vjeçari Mikheil B., dyshohet se ishte pjesë e grupit kriminal që drejtonte disa qendra thirrjesh në vende të ndryshme edhe në Shqipëri.
Mikheil B. thuhet se ka drejtuar një qendër thirrjesh në Tiranë (Shqipëri) me rreth 600 punonjës nga fundi i vitit 2014 deri në maj 2019. “Kjo qendër thirrjesh shpërndau të paktën 28 platforma dhe dëmtoi rreth 180 persona nga Gjermania, Austria dhe Zvicra, me një dëm total prej rreth tetë milionë eurosh”, raporton autoriteti gjyqësor. Dëmi i vërtetë mendohet të jetë shumë herë më i lartë. Dokumentet e kontabël të sekuestruara tregojnë se vetëm për periudhën janar 2018 - maj 2019, dëmi në Gjermani arrin në rreth dhjetë milionë euro, ndërsa në të gjithë botën është rreth 50 milionë euro.
Gjithashtu, në vitet 2017 dhe 2018, specialistë të IT-së të porositur nga i pandehuri zhvilluan një program mashtrues të tregtisë kibernetike të quajtur "PumaTS". Thuhet se Mikheil B. e ka përdorur fillimisht këtë program në qendrën e tij të thirrjeve dhe më pas - deri në bastisjen e nëntorit 2022 - e ka shpërndarë atë nga Tbilisi, Gjeorgji. "Bazuar në këtë program, klientët kanë operuar rreth 400 platforma mashtruese."
I pandehuri dyshohet se ka kontribuar në humbjen e rreth 44 milionë eurove për 540 persona nga zona gjermanishtfolëse. Edhe këtu, dëmi i fshehur mendohet të jetë dukshëm më i madh. Vetëm për periudhën shkurt 2019 - dhjetor 2020, bazuar në dokumentet kontabël, llogaritet një dëm total prej të paktën 130 milionë eurosh.
Mediat bëjnë me dije se mes viktimave ka edhe nga Franconia e Epërme, Inspektorati i Policisë Kriminale në Franconia e Epërme është përfshirë intensivisht në hetimet që kanë vazhduar prej vitesh, siç deklaroi Thomas Goger, Kryeprokuror në Zyrën e Prokurorit të Përgjithshëm të Bambergut.
Arrestuar në Armeni
Sipas informacioneve, i akuzuari është Mikheil B. Ai u arrestua në gusht 2023 në Armeni dhe u ekstradua në Gjermani në maj 2024. Që atëherë, ai ka qenë në paraburgim në një burg bavarez. Gjyqi i 50-vjeçarit do të zhvillohet para Dhomës së Krimit Ekonomik Kibernetik të Gjykatës Rajonale të Bambergut. Seanca e parë publike dëgjimore është planifikuar për 15 janar, konfirmoi një zëdhënës i gjykatës. Aktualisht janë planifikuar dymbëdhjetë seanca dëgjimore.
Çfarë akuzash rëndojnë kundër tij?
Personi, i cili nuk ka dënime të mëparshme në Gjermani, dyshohet se është pjesë e një grupi kriminal që drejtonte disa qendra thirrjesh në vende të ndryshme (Shqipëri, Gjeorgji, Maqedoni e Veriut, Ukrainë) nga viti 2014 deri në një operacion kërkimi në shkallë të gjerë në nëntor 2022, sipas Zyrës Qendrore të Krimit Kibernetik. Në mashtrimet e tregtisë kibernetike, autorët u paraqitën viktimave platforma dixhitale të rreme për tregtimin e instrumenteve të ndryshme financiare. "Kapitali i investuar zakonisht humbiste plotësisht."
Hetimet kundër anëtarëve të tjerë
Në total, Zyra Qendrore Kundër Krimit Kibernetik i atribuon të akuzuarit një dëm të provuar nga kallëzimet penale prej rreth 52 milionë eurosh dhe një dëm të fshehur prej rreth 180 milionë eurosh. Vetë B. thuhet se ka përfituar rreth 29 milionë euro.
Ai duhet të përgjigjet për akuzat për mashtrim të kryer në vazhdimësi dhe në bashkëpunim kriminal. Për secilën nga dy grupet e veprave penale, parashikohen dënime me burgim nga një deri në dhjetë vjet.
Ndërkohë, anëtarë të tjerë të Grupit Milton janë gjithashtu në fokus të ndjekjes penale. Është një nga "rrjetet më të mëdha ndërkombëtare të mashtrimit" që Zyra Qendrore e Krimit Kibernetik e Bavarisë po heton në fushën e mashtrimit të organizuar të investimeve online, sipas Goger.
Vetëm në dhjetor 2025, një menaxher nga një qendër thirrjesh në grup në Maqedoninë e Veriut u dënua më në fund me katër vjet burg.
Përveç Inspektoratit të Policisë Kriminale për Detyrat Qendrore të Frankonisë së Epërme, në hetimin kundër këtij rrjeti mashtrimi janë përfshirë edhe autoritetet nga Saksonia. Është ngritur edhe një grup hetimor, në të cilin marrin pjesë edhe autoritetet e ndjekjes penale nga Shqipëria dhe Gjeorgjia.
Por, kush është Amant Josifi?
Amant Josifi është është një emër i njohur për Shqipërinë. Ai është një biznesmen shqiptar, gjithashtu ka qenë edhe këshilltar i ministrit shqiptar të Mbrojtjes deri në vitin 2020. Ka qënë kreu i opozitës, Sali Berisha i cili ka denoncuar se ai po mbrohet nga Edi Rama dhe Olsi Rama.
Media spanjolle “El Pais”, e konsideronte Josifin, ‘kokën’ e mashtrimeve në bursa, si dhe garancinë e paprekshmërisë për Milton Group. Deri në vitin 2017, Amant Josifi rezulton aksioner në kompanisë “Pegasus Communication” bashkë me vëllain e vogël të kryeministrit Edi Rama, Olsi Ramën.
Operacioni i madh ndërkombëtar i emërtuar “FRIDA-REFOX” u zhvillua në datat 8 dhe 9 nëntor në vendin tonë dhe zbuloi se prej e skemës së mashtrimit kanë rënë 200,000 viktima në Evropë, shumica prej tyre në Gjermani, Itali dhe Spanjë. Policia spanjolle përgjoi 3 milionë emaile që u mundësuan hetuesve të identifikonin dhe lidhnin më shumë se 470 faqe interneti të mbështetura nga qendrat e call-center. Në pranga u bë me dije se u vu vetëm Berlando Saraçaj nga Vlora./ZËRI
