TIRANË- Alfred Dedja, i cili u vra pasditen e sotme në Ndroq ishte i armatosur. Autoritetet kanë konsttuar një armë zjarri në trupin e viktimës, në momentin që kanë marrë atë pas ekzekutimit. Pistoleta është në duart e ekspertëve, të cilët pritet të bëjnë dhe ekspertizën e nevojshme për të dalë në përfundimet nëse kjo armë është përdorur apo jo në ndonjë ngjarje kriminale.
Megjithatë, ajo që raportohet gjithashtu është se 50-vjeçari më parë merrej me aktivitetin e lojërave të fatit dhe vite më parë ka punuar edhe tek kompleksi Golden që është në pronësi të Altin Hajrit.
Personi që e vrau, Julian Gjoshi është pikërisht kunati i Hajrit. 27-vjeçari u fut brenda lokalit ku ndodhej Dedja me miqtë e tij dhe ka shkuar drejt tavolinës ku ndodhej 50-vjeçari. Aty ai e ka qëlluar me dy plumba dhe Dedja ka ndërruar jetë.
Më pas Gjoshi është larguar me një mjet tip “Mercedes Benz” të llojit “ML”. Policia është vënë në kërkim të tij.
