TIRANË- Pas dokumentarit të publikuar nga ZËRI, Policia Rrugore ka nisur gjithashtu kontrollet nëpër taksi. Siç duket edhe në foton e mëposhtme, uniformat blu po kontrollojnë një mjet të një kompanie, e cila duket se është pa licensë.
Sipas rrëfimit të një prej taksistëve në dokumentar, mjetet që nuk i kanë targat e verdha, si në rastin e fotos, janë të palicensuara për të kryer shërbimin taksi brenda territorit të Shqipërisë.
Sesi ka përfunduar kontrolli, ende nuk dihet, por ky nuk është kontrolli i parë që zhvillohet nga Policia e Shtetit pas dokumetarit të 'Narcotaxi-ve'.
Edhe të shtunën, ZËRI siguroi pamje të kontrolleve në Tiranës, ku objekt ishin bërë mjetet e kompanisë "Lux", brenda të cilave u dokumentua dhe shoferi që konsumonte lëndë narkotike të llojit kokainë. Kontrollet janë bërë në disa zona të kryeqytetit, megjithatë ende deri më sot nuk ka raportime për të arrestuar./ZËRI
