TIRANË- Burgjet kanë hapur dyert këtë 1 qershor, duke lejuar të dënuarit që të festojnë me fëmijët e tyre. Në një njoftim në faqen zyrtare të Drejtorisë së Përgjithshme të Burgjeve, është pasqyruar aktiviteti i ditës së sotme në Institucionet e Vujatjes së Dënimit, në Rrogozhinë e Tepelenë. Siç duket dhe nga fotot, prindërit në konflikt me ligjin janë argëtuar me fëmijët e tyre. Pjesë e tryezave kanë qenë dhe ushqime nga më të ndryshmet, por nuk kanë munguar as personazhët e dashur të filmave vizatimorë.
Postimi:
1 Qershori është dita kur fëmijët duhet të mbushen plot me dashuri, buzëqeshje dhe dhurata. Kur prindrit nuk janë pranë tyre, i pari gëzim mbetet përqafimi. Në IEVP Rrogozhinë, Tepelenë dhe IMK janë organizuar takime mes fëmijëve dhe prindërve në konflikt me ligjin. Gëzuar gjithë fëmijëve 1 Qershorin!
