TIRANË- Reshjet e dëborës në veri dhe juglindje të vendit janë shoqëruar me ulje të ndjeshme të temperaturave. Raportohet se në zonat malore temperaturat kanë zbritur deri nën -15°C.
-Valbonë: -18°C
-Kukës: -15°C
-Dibër: -10°C
-Qafë Thanë: -15°C
Pavarësisht temperaturave, akset rrugore vijojnë normalisht pasi kontraktorët në terren po kryejnë pastrimin e rrugëve. Ndërkohë, autoritetet apelojnë drejtuesit e mjeteve për kujdes të shtuar dhe përdorimin e gomave dimërore.
Gjithashtu, Qarku i Elbasanit vijon të jetë i përfshirë nga moti i ftohtë, me temperatura shumë të ulëta, të cilat në zonat malore kanë zbritur nën -10°C. Në aksin nacional Elbasan–Qafë Thanë janë regjistruar reshje dëbore, ndërsa temperaturat kanë arritur deri në -15°C. Rruga është pastruar dhe trajtuar me kripë dhe qarkullimi vijon normalisht./ZËRI
