SHKODËR- Një 29-vjeçar është arrestuar në Shkodër pasi kishte kultivuar lëndë narkotike në pyllin e Shporit. Policia e Shkdrës në vijim të operacionit “Territor i pastër” ka gjetur dhe asgjësuar në pyllin e Shporit 236 rrënjë kanabis.
Njoftimi i policisë:
Shkodër/Vijon me intensitet megaoperacioni “Territor i pastër”, kundër kultivimit të bimëve narkotike.
Gjenden në pyllin e Shporit dhe asgjësohen 236 fidanë cannabisi.
Identifikohet, kapet dhe vihet në pranga autori i dyshuar i kultivimit të tyre.
Si rezultat i kontrolleve të imtësishme në të gjithë territorin e qarkut dhe punës së inteligjencës policore, Komisariati i Policisë Shkodër vuri në pranga shtetasin G. Ç., 29 vjeç, banues në fshatin Shpor.
29-vjeçari dyshohet se është autor i kultivimit të 236 fidanëve cannabis sativa (në tokë dhe në kubikë), që u gjetën nga Policia, në territorin e pyllit të Shporit.
Kontrollet vijojnë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Shkodër.
