TIRANË – Policia në kryeqytet njofton se ka arrestuar dy persona, të cilët ishin shpallur në kërkim, pasi ishin dënuar nga gjykata. Në pranga ka rënë një i dënuar për trafik droge dhe një tjetër për vjedhje.
Efektivët saktësojnë se në pranga ra Franko Gatani, 27 vjeç, pasi është dënuar nga Gjykata e Tiranës me 2 vite e 4 muaj e 20 ditë burg, për veprën penale “Prodhimi dhe shitja e lëndëve narkotike”. Gjithashtu, u arrestua edhe shtetasi Landi Qerimi, 21 vjeç, dënuar për veprën penale “Vjedhja” e mbetur në tentativë dhe “drejtimi i automjeteve në mënyrë të parregullt”. Operacioni “Sundimi i ligjit” vazhdon.
-
Vazhdon operacioni ‘Sundimi i ligjit’, në pranga 33-vjeçari në Vlorë
6 Dhjetor, 14:24 -
Iu gjet municion luftarak, arrestohet 61-vjeçari
8 Shkurt, 12:28 -
Njoftimi i policisë:
Tiranë
Vijojnë kontrollet intensive në kuadër të megaoperacionit “Sundimi i ligjit”.
Kapen dhe vihen në pranga, nga strukturat e Komisariarit të Policisë Nr. 4, dy shtetas të shpallur në kërkim.
Strukturat e Komisariarit të Policisë Nr. 4, në zbatim të masave të hartuara në kuadër të megaoperacionit policor të koduar "Sundimi i ligjit", bazuar në informacionet e siguruara në rrugë operative, mbi vendndodhjen e dy shtetasve në kërkim, kanë intensifikuar kontrollet për kapjen dhe vënien e tyre, përpara përgjegjësisë ligjore.
Si rezultat i kontrolleve, janë kapur dhe ndaluar shtetasit:
- Franko Gatali, 27 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar 2 vjet, 4 muaj e 20 ditë burg, për veprën penale “Prodhimi dhe shitja e narkotikëve";
- Landi Qerimi, 21 vjeç, banues në Tiranë, pasi Gjykata e Shkallës së Parë e Juridiksionit të Përgjithshëm Tiranë, e ka dënuar me 9 muaj burgim, për veprat penale "Vjedhja", mbetur ne tentativë, dhe "Drejtimi i automjeteve në mënyrë të pa rregullt".
Megaoperacioni "Sundimi i ligjit" vazhdon.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./ZËRI/
