GJERMANI- Detaje të reja janë zbardhur në lidhje me vrasjen e një shqiptari në Gjermani. Mediat gjermane shkruajnë se policia ka përcaktuar tashmë identitetin e autorit dhe viktimës. Një 17-vjeçar shqiptar, është në paraburgim, i dyshuar për vrasje nga pakujdesia.
Policia ka sqaruar identitetin e viktimës. Punonjësit policorë bëjnë me dije se bëhet fjalë për një shtetas shqiptar 27-vjeçar i njohur për policinë, i cili sipas informacioneve të deritanishme nuk kishte adresë fikse. Po hetohet fakti se përpara vrasjes, viktima të jetë dhunuar.
Sipas policisë, rrjedha e ngjarjes mbetet kryesisht e paqartë. “Hetimi për vendin e krimit, kohën e krimit dhe sfondin e krimit është duke vazhduar”, thanë zyrtarët. Thjesht u tha se i dyshuari fliste shqip.
Trupi i 27-vjeçarit u gjet me plagë me armë zjarri pranë pishinës “Holstentherme” në Kaltenkirchen pranë Hamburgut mbrëmjen e së shtunës. Të dielën, një gjykatës lëshoi një urdhër arresti kundër të dyshuarit 17-vjeçar.
Për shkak të indikacioneve për një krim tjetër të paspecifikuar të bërë nga i njëjti person në Uetersen në rrethin Pinneberg, inspektorati kriminal i rrethit Itzehoe u përfshi po ashtu në hetime./Zëri.ai/
