LINDJA E MESME- Lufta që filloi me sulme të përbashkëta izraelite dhe amerikane kundër Iranit, e cila është përhapur në të gjithë Lindjen e Mesme, u ka kushtuar tashmë vendeve arabe 186 miliardë dollarë, tha të hënën, Abdullah al-Dardari, zëvendëssekretari i Përgjithshëm i OKB, duke bërë thirrje për t'i dhënë fund luftimeve.
"Shpresojmë që luftimet të ndalen nesër sepse çdo ditë vonesë ka një ndikim negativ në ekonominë globale. Ne vlerësojmë se humbja e PBB-së në rajonin arab pas një muaji luftimesh do të jetë rreth 6%, rreth 186 miliardë dollarë" më pak për ekonominë. Shtetet e Gjirit të pasura me naftë, të cilat janë shënjestra e sulmeve iraniane në hakmarrje për sulmin amerikano-izraelit, po paguajnë çmimin më të rëndë. Përveç kësaj, ne vlerësojmë se numri i vendeve të punës që do të humbasin për shkak të këtij konflikti është rreth 3.7 milionë. Lidhur me ndikimin e luftës në varfëri, ne presim që 4 milionë njerëz të tjerë në rajon do të jenë ose kanë qenë tashmë nën kufirin e varfërisë këtë muaj", tha për gazetarët në Aman Al-Dardari.
Duke vënë në dukje varësinë ekonomike të vendeve të Gjirit nga nafta, zyrtari i OKB-së theksoi nevojën për të gjetur rrugë të tjera nga Ngushtica e Hormuzit, përmes së cilës kalon normalisht një e pesta e naftës dhe gazit natyror të lëngshëm në botë.
"Ekonomia arabe praktikisht bazohet në një produkt të vetem. Vendet jo-eksportuese të naftës varen nga remitancat nga emigrantët që janë vendosur në vendet eksportuese të naftës dhe nga ndihma nga këto vende, ndërsa vetë vendet eksportuese të naftës kanë vetëm një produkt. Kjo brishtësi e ekonomisë arabe është theksuar nga ngjarjet e fundit, të cilat vërtetojnë se ajo nuk është e qëndrueshme", theksoi ai./ZËRI
