SIÇILI- Sipërmarrësi i teknologjisë, Mike Lynch, është ndër të zhdukurit nga mbytja e jahtit me 22 persona në bord në brigjet e Siçilisë gjatë një stuhie të ashpër, rreth orës 5 të mëngjesit të së hënës (19 Gusht). The Guardian raporton se Lynch, 59 vjeç, i njohur si themeluesi i Autonomy Corporation, është një nga katër britanikët e raportuar të zhdukur, ndërsa gruaja e tij, Angela Bacares është shpëtuar.
Kush është Mike Lynch
Në 1991-in ai themeloi Cambridge Neurodynamics, një kompani e fokusuar në teknologjinë e gjurmëve të gishtërinjve të bazuar në kompjuter. Ai themeloi firmën e softuerëve Autonomy në 1996-ën. Emri i superjahtit - Bayesian - mund të rrjedhë nga Thomas Baye, ministri dhe matematikani i shekullit të 18-të, mbi të cilin thuhej se ishte ndërtuar Autonomy. Lynch e bëri Autonomy në një nga kompanitë më të mëdha në Mbretërinë e Bashkuar, duke çuar në krahasime me Bill Gates-in e Microsoft-it dhe Steve Jobs-it të Apple. Autonomy lundroi në bursë në 1998-ën, me aksione me çmim 30 për copë. Ai kaloi valën e një bumi dotcom kur aksionet u rritën në 100 sterlina para se të binte në 80 pikë kur flluska e industrisë shpërtheu në vitet 2000/2001. My Lynch u bë një OBE për shërbime ndaj ndërmarrjeve në vitin 2006. Po atë vit, ai u emërua në bordin e BBC-së dhe më vonë u zgjodh në këshillin e kryeministrit të atëhershëm David Cameron për shkencën dhe teknologjinë në 2011.
Sa i përket tragjedisë, aportohet se dy amerikanë dhe një kanadez janë gjithashtu të zhdukur. Një trup u gjet pranë jahtit të përmbytur, por gjashtë të tjerë mbetën të zhdukur, tha Luca Cari, një zëdhënës i shërbimit italian.
Pesëmbëdhjetë persona janë shpëtuar nga jahti i cili u fundos në brigjet e Siçilisë, nga anijet patrulluese të rojes bregdetare italiane dhe ekipet e shpëtimit. Mes të shpëtuarve është edhe një fëmijë një vjeç. Një person i vdekur është nxjerrë nga rrënojat. Kapiteni i një anijeje, i cili ishte afër kur varka me vela u fundos shpëtoi 15 persona dhe përshkroi për BBC rrethanat në të cilat anija u mbyt. Kapiteni Carsten Borner tha se varka e tij u godit gjithashtu nga stuhi shumë të forta për shkak të motit të keq në orët e para të mëngjesit, por kishte arritur ta stabilizonte atë./ZËRI
