BELGJIKË- Një ish-drejtues i lartë i OLAF, Giovanni Kessler, i cili u largua nga detyra në vititn 2017 është dënuar me një vit burg nga një gjykatë belge si pjesë e hetimeve që përfshinin një rast korrupsioni ku ishte përfshitrë John Dalli. Raportohet se John Dalli, i cili ishte komisioneri i shëndetësisë i BE-së dha dorëheqjen në vititn 2012 pasi ndaj tij rënduan akuzat e korrupsionit.
Sipas drejtësisë Dalli dhe ndihmësi i tij kërkonin ryshfet nga industria e duhanit. Dalli gjithmonë ka deklaruar se është i pafajshëm. Po ashtu Kessler tha se ka në plan të apelojë vendimin.
"Unë kam vepruar gjithmonë në mënyrë transparente dhe me qëllimin për të gjetur të vërtetën mbi akuzën, e cila ishte një akuzë shumë serioze," tha Kessler për ‘’Politiko’’.
Ndërsa BE-ja përballet me pasojat e një skandali ryshfeti që përfshin Katarin, kthesa e fundit në të ashtuquajturin rasti Dalligate kërcënon të rindezë tensionet mbi një sistem të brendshëm të politizuar të zbatimit. Dalli kishte punuar për një rishkrim të Direktivës së BE-së për Produktet e Duhanit, kur ndihmësi i tij Silvio Zammit u akuzua se kishte kërkuar një ryshfet prej 60 milionë eurosh nga një kompani suedeze e duhanit për të anuluar një ndalim të BE-së për snus, një lloj duhani elektronik.
Skandali rezultoi me largimin e Dallit. Ndërsa ai u akuzua se nuk zbuloi disa takime me lobistët e duhanit, një raport i OLAF-it mbi këtë çështje nuk gjeti asnjë lidhje të drejtpërdrejtë midis Dallit dhe kërkesës për ryshfet. Por Kessler pretendoi se kishte "prova rrethanore të paqarta" që Dalli e dinte për të.
Megjithatë, brenda pak vitesh, vetë Kessler ra nën vëzhgim dhe autoritetet belge filluan të shqyrtojnë pretendimet se hetimi i Dalligate ishte ekzekutuar dobët dhe i motivuar politikisht. Pas vitesh vonese, Komisioni Evropian ra dakord në vitin 2016 për të hequr imunitetin e Kessler.
Kjo i hapi rrugën prokurorëve belgë për ta marrë në pyetje lidhur me pretendimet se ai regjistroi në mënyrë të fshehtë dëshmitarët e çështjes pa informuar të gjitha palët, një krim sipas ligjit belg.
"Është një mosmarrëveshje thjesht ligjore mbi një akt hetimor që, në shumë vende të Evropës, është padyshim legjitim," tha Kessler, duke shtuar se çështja u debatua edhe në Belgjikë pasi dy prokurorë të ndryshëm belgë kishin kërkuar që çështja të pushohej.
Në vendimin e saj të parë gjykata belge tha se ishte "e shqetësuar" nga qëndrimi i Kessler, pasi ai "pohoi se nuk ishte në dijeni të ekzistencës së legjislacionit që rregullon regjistrimin e bisedave telefonike", edhe pse këto kufizime rrjedhin nga Konventa Evropiane për të Drejtat e Njeriut dhe ai nuk mund ta injoronte duke pasur parasysh rolin e tij si shef i OLAF.
"U deshën 11 vjet për të shkelur përfundimisht sekretin e Komisionit Evropian, edhe pse vetëm në një pjesë të hetimit," tha Dalli në një deklaratë pas gjykimit.
"E vërteta do të mbizotërojë."/Zëri.ai
