SHBA-Ish-presidenti i SHBA-së, Donal Trump ka dorëzuar garancinë 175 milionë dollarëve që i kishte kërkuar gjykata e Nju Jork, duke shmangur kështu mundësinë e konfiskimeve të aseteve të tij, pas një vendimi fillestar në muajin shkurt që e udhëzonte të paguante një gjobë prej 454 milionë dollarësh për mashtrim me vlerën reale të pronave të tij.
Trump insiston se nuk ka kryer asnjë shkelje dhe pretendon se ky është thjesht një sulm me sond politik ndaj tij. Garancia u ul në 175 milionë dollar javën që shkoi pasi avokatët e tij mbrojtës argumentuan se ishte e pamundur mbledhja e një shume të tillë, shkruajnë mediat e huaja. Megjithatë, teksa procesi i apelimit vazhdon, nëse tre gjyqtarët në panel dalin me një vendim të ri kundër tij, në fund Trumpit mund t’i duhet ta paguajë shumën të plotë, ose të rrezikojë në të kundërt një goditje të fortë ndaj perandorisë së pronave të tij.
Detyrimi prej 175 milionë dollarësh u sigurua nga Kompania e Sigurimeve Knight Specialty me bazë në Kaliforni. Vlera nuk përfshin transferimin e parave, por do të thotë se kompania ka premtuar të paguajë vendimin kundër Trump nëse ankesa e tij është e pasuksesshme dhe ai dështon të paguajë. Gjithesi nëse Trump fiton, ai nuk do të duhet t'i paguajë shtetit asgjë dhe do t'i kthejë paratë që ka vënë tani.
Trump po lufton për të përmbysur vendimin e 16 shkurtit të një gjyqtari se ai gënjeu për pasurinë e tij ndërsa nxiti perandorinë e pasurive të paluajtshme që e çoi atë në presidencë. Gjyqi u fokusua në mënyrën se si pasuritë e Trump vlerësoheshin në pasqyrat financiare që u shkonin bankierëve dhe siguruesve për të marrë kredi dhe marrëveshje.
Cili është gjykimi?
Vendimi pasqyron 355 milionë dollarët plus interesin dhe rritje çdo ditë që gjykatësi i shtetit Arthur Engoron urdhëroi Trump të paguante pas një gjyqi muajsh. Gjyqi rrjedh nga një padi e ngritur nga Prokurorja e Përgjithshme e shtetit Letitia James. Ajo pretendoi se Trump, kompania e tij dhe drejtuesit kryesorë u angazhuan në mashtrime duke grumbulluar pasurinë e manjatit të kthyer në politikan në pasqyrat financiare që ndihmuan në sigurimin e kredive dhe sigurimit.
