PORT LOUIS- Një sëmundje është përhapur një anije lundrimi norvegjeze në Mauritius në Afrikën Lindore, duke bërë që autoritetet lokale të jenë në gatishmëri. Autoritetet mauritian e ndaluan "Norwegian Dawn" të ankorohej në kryeqytetin Port Louis të dielën për shkak të frikës së një shpërthimi kolere, duke e lënë anijen norvegjezetë bllokuar jashtë portit.
Para Port Louis, ishte ishulli francez i La Réunion, ai që i mohoi anijes hyrjen në ujërat e tij territoriale. Anija e lundrimit u nis nga Madagaskari më 22 shkurt me më shumë se 2000 pasagjerë. Nga atje ishte planifikuar të ndalonte në Reunion këtë të premte. Por agjencitë qeveritare në bashkëpunim me Shërbimin Shëndetësor Rajonal të Reunion vlerësuan se gjendja shëndetësore në bord ishte e pakënaqshme dhe kërkonin që të kryheshin teste.
Por duke qenë se rezultatet e testeve nuk kanë dalë dhe duke marrë parasysh simptomat e një numri të konsiderueshëm pasagjerësh, pronari i anijes vendosi të anulojë ndalimin në "Reunion", i cili fillimisht ishte planifikuar të zgjaste vetëm disa orë, duke u nisur për në Mauritius.
Atje, autoritetet shëndetësore morën mostra nga rreth 15 pasagjerë që janë në izolim në anije. Sipas autoritetit portual të shtetit afrikan, anija turistike konsiderohet një rrezik potencial për shëndetin publik. Por se nga cila sëmundje vuajnë, këtë do ta thonë vetëm analizat./ZËRI
