Frrok Lleshaj u vra me armë me silenciator! HASMI nuk harron- Gjakmarrja ndër dekada, shkaktoi 5 viktima
VAU I DEJËS-Detaje të reja janë zbardhur nga vrasja e ish-policit Frrok Lleshaj në fshatin Paçram të Vaut të Dejës mbrëmjen e djeshme. Lleshaj po ecte në rrugë kur u qëllua për vdekje me pistoletë pranë banesës së tij. Ka qenë një prej banorëve që ka konstatuar trupin e 65 vjeçarit pa shenja jete dhe ka lajmëruar bashkëshorten e tij, e cila më pas ka njoftuar policinë për ngjarjen e ndodhur. Fqinjët nuk kanë dëgjuar të shtëna, fakt i cili lë dyshime se autorët janë kujdesur për të përdorur një pistoletë me silenciator.
Pista kryesore gjakmarrja! Hasmëria mes familjes Lleshaj dhe dy familjeve të tjera ka prodhuar që nga fillim vitet ’90, 5 viktima deri më tani. Gjithçka nisi në vitin 1991 kur djali i 65-vjeçarit u vra në Greqi. Asokohe u tha se të riun e vrau Policia greke në rrethana që nuk dihen por familja e Frrok Lleshaj dyshonte se kishin gisht në këtë ngjarje kushërinjtë e tij.
Pak vite më vonë më 1995 ka dyshime të forta se Frrok Lleshaj mori gjakun e djalit të tij duke vrarë kështu kushëririn Dodë Lleshaj. Ai vuajti dënimin e Gjykatës së Shkodrës të vitit 2006 dhe u lirua më 2023. Pavarësisht dyshimeve dhe akuzave, Frrok Lleshaj nuk e pranoi asnjëherë autorësinë e kësaj ngjarje.
Ndërkohë një tjetër konflikt lindi me një familje nga Puka. Frrok Lleshaj qëlloi për vdekje një person tjetër, ngjarje të cilën e pranoi në gjykatë dhe për të cilën u dënua me 25 vite burg. Nga këto dy hasmëri të vjetra dhe ende të pambyllura, mbetet i vrarë edhe vëllai i Frrok Lleshaj. Bashkë me 65-vjeçarin që u qëllua mbrëmjen e 4 gushtit me pistoletë shkon në 5 numri i viktimave për shkak të gjakmarrjes.
Vrasja e ish-policit, Frrok Lleshaj, shoqërohen 5 persona
VAU I DEJËS-Pesë persona janë shoqëruar në Komisariat, lidhur me vrasjen me armë zjarri të Frrok Lleshajt, ndodhur orët e vona të mbrëmjes së djeshme, në Vaun e Dejës në Shkodër. Pista kryesore e hetimeve mbetet ajo e gjakmarrjes, pasi Lleshaj mësohet se ka qenë më parë i dënuar për krimin e vrasjes së kushëririt të tij Dodë Lleshaj tre dekada më parë.
Frrok Lleshaj, 65 vjeç, ish-efektiv i Policisë deri në vitin 1994, po ecte në rrugë kur u qëllua për vdekje me pistoletë dhe një kalimtar gjeti trupin e pajetë. Lleshaj u ekzekutua shumë pranë banesës së tij. Ndërkohë, është ngritur një grup i posaçëm hetimor, i cili nën drejtimin e Prokurorisë Shkodër, po punon për sqarimin e rrethanave, dokumentimin ligjor, si dhe për identifikimin dhe kapjen e autorit apo autorëve. Po verifikohet edhe aktiviteti i viktimës pas daljes nga burgu dy vite më parë./ZËRI
U ekzekutua afër banesës! Kush është Frrok Lleshaj, i dënuar për vrasjen e kushëririt, u lirua 2 vite më parë
VAU I DEJËS-Vau i Dejës u trondit mbrëmjen e djeshme nga një vrasje me armë zjarri. Frrok Lleshaj, 65 vjeç, ish-efektiv i Policisë deri në vitin 1994, po ecte në rrugë kur u qëllua për vdekje me pistoletë, një kalimtar gjeti trupin. Lleshaj u ekzekutua shumë pranë banesës së tij.
Lleshaj mësohet se ka qenë më parë i dënuar për krimin e vrasjes së kushëririt të tij Dodë Lleshaj tre dekada më parë, ndaj edhe pista kryesore e hetimit mbetet ajo e një gjakmarrjeje të mundshme.
65-vjeçari kreu vrasjen për të cilën u arrestua më 1995, por u arratis në vitin 1997 nga burgu gjatë trazirave. Sipas të dhënave, mësohet se Lleshaj, u arrestua më vonë, ku vuajti dënimin e Gjykatës së Shkodrës të vitit 2006 dhe u lirua më 2023. Nuk ka pranuar asnjëherë se ka qenë autor i vrasjes se kushëririt, por pavarësisht deklaratave në Gjykatë, ai është dënuar.
Gjykata e Shkodrës e kishte dënuar me 25 vite burgim në vitin 2006, dënim që e kishte përfunduar dy vite më parë, kur ishte liruar nga qelia. Familja e kishte braktisur pas daljes nga burgu dhe merrej me blegtori.
Ndërkohë, është ngritur një grup i posaçëm hetimor, i cili nën drejtimin e Prokurorisë Shkodër, po punon për sqarimin e rrethanave, dokumentimin ligjor, si dhe për identifikimin dhe kapjen e autorit apo autorëve. Po verifikohet edhe aktiviteti i viktimës pas daljes nga burgu dy vite më parë./ZËRI
