U plagos në atentatin e “Don Boskos”, kush është Kastriot Elezaj? Nga akuzat për korrupsion e deri tek arratisja spektakolare në 2011 nga burgu i Austrisë
TIRANË- Informacione të reja janë zbuluar rreth atentatit ndodhi më 3 shtator në zonën e “Don Boskos” në Tiranë, ku dy persona mbetën të plagosur. Ngjarja ndodhi rreth orës 14:30 dhe sipas burimeve të policisë, shënjestra kryesore mendohet të ketë qenë Kastriot Elezaj, 45 vjeç, i cili u plagos rëndë në gjoks. I plagosuri tjetër është Renaldo Metushi, 22 vjeç, ish-kamerier i lokalit ku ndodhi ngjarja, i cili u qëllua në këmbë dhe mohoi të kishte konflikte apo të ishte objektiv i sulmit.
Kastriot Elezi nuk është emër i panjohur për autoritetet e drejtësisë. Ai ka precedentë penalë jashtë vendit, duke përfshirë një dënim për korrupsion dhe një arratisje spektakolare nga burgu i sigurisë së lartë të Eisenstadt në Austri, në vitin 2011, ku përdori mjetet e kuzhinës dhe tunelat e ventilimit për t'u larguar. Elezi është gjithashtu i dënuar për prostitucion në Itali dhe kishte vuajtur dënimin atje.
Elezi, pas atentatit, deklaroi se nuk ka konflikte me askënd dhe nuk mundi të identifikojë autorët e sulmit, ndërsa Metushi pohoi se kishte dalë për të pirë kafe me Elezin në lokalin ku kishte punuar më parë. Pavarësisht pranisë së pamjeve filmike dhe hetimeve intensive, autorët e atentatit mbeten ende të lirë dhe motivet e këtij sulmi të përgjakshëm mbeten të paqarta.
Tre persona dyshohet se ishin të përfshirë në atentatin në “Don Bosko”, ku mbetën të plagosur Kastriot Elezi dhe Ronaldo Metushi. Ata kanë qenë të maskuar, ndërkohë që menjëherë pas ngjarjes kanë djegur makinën në periferi të Kamzës. Dyshohet se objektiv i atentatit ka qenë Elezaj, i cili rezulton me precedent të mëparshëm penalë jashtë vendit./ZËRI
“Nuk kam konflikte me askënd”, zbardhet dëshmia e 45-vjeçarit që u plagos në “Don Bosko”: Jam i papunë!
TIRANË- Kastriot Elezi, i cili u plagos një dite më parë teksa po pinte kafe në “Don Bosko”, nga persona të paidentifikuar, ka dëshmuar se nuk ka konflikte me askënd. Gjatë dëshmisë së tij, ai ka thënë se ishte duke pirë kafe me Renaldon, si çdo ditë dhe nuk i pa autorët. Më tej ai shtoi se është i papunë dhe del çdo ditë pa frikë nga shtëpia.
“Po pija kafe poshtë shtëpisë me Renaldon, sikurse bëj pothuajse çdo ditë. Nuk kam asnjë angazhim në ditën time, sepse jam i papunë. Autorët nuk i pashë, nuk di të them kush më ka qëlluar, sepse unë nuk kam konflikte me askënd dhe nuk ruhem. Dal çdo ditë në kafe dhe në rrugë”, tha ai.
45-vjeçari rezulton me precedent të mëparshëm penal. Ai ka qenë i dënuar më parë në Itali për shfrytëzim prostitucioni dhe pasi ka mbaruar dënimin, është rikthyer në Shqipëri.
Tre persona dyshohet se ishin të përfshirë në atentatin në “Don Bosko”, ku mbetën të plagosur Kastriot Elezi dhe Renaldo Metushi. Aktualisht, policia po ekzaminon makinën e dyshuar të autorëve, që u gjet e djegur, në zonën e Kamzës, si dhe pistoletën me silenciator për të gjetur të dhëna për autorët. Po ashtu, po kqyren kamerat e sigurisë, që kanë kapur të gjithë ngjarjen. /ZËRI
3 autorët ishin të maskuar, kjo është makina që u përdor në atentatin me 2 të plagosur në “Don Bosko”
TIRANË- ZËRI ka siguruar foton e makinës, që u përdor në atentatin e ndodhur mesditën e djeshme në Tiranë, në zonën e Don Boskos.
Automjeti është Golf 5 dhe dyshohet se në të udhëtonin tre autorët që plagosën me armë zjarri Kastriot Elezajn dhe Renaldo Metushin teksa ishin duke konsumuar kafe në një lokal.
Pas atentatit, autorët e kanë djegur mjetin në zonën e Insitutit dhe brenda saj është gjetur edhe arma me të cilën është kryer krimi.
Mjeti dyshohet se ka pasur targat e dubluara, si dhe ndërhyrje të tjera në numrin e shasisë, që bëjnë të vështirë identifikimin e pronarit të tij.
Është zbardhur dëshmia e 22-vjeçarit Renaldo Metushi, që mbeti i plagosur mesditën e djeshme në zonën e Don Boskos në Tiranë, teksa ishte në shoqërinë e 45-vjeçarit Kastriot Elezaj, i cili mori gjithashtu dy plumba në trup. Metushi është shprehur para grupit hetimor se aktualisht është i papunë, dhe kishte dalë që të pinte një kafe me të njohurin e tij Kastriot Elezaj.
“Jam i papunë. Dola të pija kafe poshtë shtëpisë me Kastriotin”, është shprehur Metushi, ndërsa ka deklaruar se nuk ka mundur të dallojë autorët, pasi gjithçka ndodhi shumë shpejt. Edhe për shkak se arma e përdorur ka qenë me silensiator, i riu ka thënë se vetëm kur ka ndjerë një shpim në këmbë, ka kuptuar që ka mbetur i plagosur.
“Ata të lokalit ku ndodhi ngjarja i njoh, pasi kam punuar para ca kohësh si kamarier aty. Autorët nuk munda t’i shoh. Gjithçka ndodhi shpejt, vetëm kur ndjeva se diçka më shpoi në këmbë, e kuptova se isha qëlluar”.
I riu ka vijuar më tej duke thënë se as ai dhe as Elezaj nuk kanë pasur konflikte të mëparshme, dhe nuk kanë dijeni se kush mund të jenë personat që i kanë qëlluar. /ZËRI
“Gjithçka ndodhi shumë shpejt”, zbardhet dëshmia e të riut që u plagos në “Don Bosko”: Po pija kafe me Kastriotin
TIRANË- Është zbardhur dëshmia e 22-vjeçarit Renaldo Metushi, që mbeti i plagosur mesditën e djeshme në zonën e Don Boskos në Tiranë, teksa ishte në shoqërinë e 45-vjeçarit Kastriot Elezaj, i cili mori gjithashtu dy plumba në trup. Metushi është shprehur para grupit hetimor se aktualisht është i papunë, dhe kishte dalë që të pinte një kafe me të njohurin e tij Kastriot Elezaj.
“Jam i papunë. Dola të pija kafe poshtë shtëpisë me Kastriotin”, është shprehur Metushi, ndërsa ka deklaruar se nuk ka mundur të dallojë autorët, pasi gjithçka ndodhi shumë shpejt. Edhe për shkak se arma e përdorur ka qenë me silensiator, i riu ka thënë se vetëm kur ka ndjerë një shpim në këmbë, ka kuptuar që ka mbetur i plagosur.
“Ata të lokalit ku ndodhi ngjarja i njoh, pasi kam punuar para ca kohësh si kamarier aty. Autorët nuk munda t’i shoh. Gjithçka ndodhi shpejt, vetëm kur ndjeva se diçka më shpoi në këmbë, e kuptova se isha qëlluar”.
I riu ka vijuar më tej duke thënë se as ai dhe as Elezaj nuk kanë pasur konflikte të mëparshme, dhe nuk kanë dijeni se kush mund të jenë personat që i kanë qëlluar.
Tre persona dyshohet se ishin të përfshirë në atentatin në “Don Bosko”, ku mbetën të plagosur Kastriot Elezi dhe Ronaldo Metushi. Ata kanë qenë të maskuar, ndërkohë që menjëherë pas ngjarjes kanë djegur makinën në periferi të Kamzës. Dyshohet se objektiv i atentatit ka qenë Elezaj, i cili rezulton me precedent të mëparshëm penal jashtë vendit. /ZËRI
Atentati në Don Bosko, targat e mjetit rezultojnë të dubluara, 3 autorët ishin të maskuar
TIRANË- Dy persona mbetën të plagosur mesditën e të martës (3 shtator) në Tiranë, në zonën e Don Boskos, në një atentat që duket se kishte për objektiv shtetasin Kastriot Elezaj, me precedentë të mëparshëm penalë. Bashkë me të mbeti i plagosur dhe shtetasi Renaldo Metushi, i cili ka marrë një plumb në këmbë. Deri tani policia nuk ka arritur që të bjerë në gjurmët e autorëve, ndërkohë që makina që ata përdorën u gjet e djegur në zonën e Kamzës, dhe brenda saj u shkrumbua dhe arma që u përdor në plagosje, e cila ishte me silensiator.
Targat e mjetit, që arritën të identifikoheshin nga kamerat e sigurisë, dyshohet se kanë qenë të dubluara, çka vështirëson edhe identifikimin e pronarit të mjetit që u përdor nga autorët. Referuar dëshmive që grupi hetimor ka mundur që të mbledhë në vendin e ngjarjes, në makinë kanë qenë tre persona. Vetëm një prej tyre ka zbritur dhe ka qëlluar në drejtim të shënjestrës, i cili ishte i ulur në verandën e një lokali, që gjendet pranë zyrës së OSHEE-së në Don Bosko, një zonë mjaft e populluar, për më tepër në atë orar që ndodhi plagosja e dyfishtë.
Elezaj ka marrë dy plumba një në shpatull dhe një në gjoks, çka tregon se pikërisht ai ka qenë shënjestra, dhe autorët kanë tentuar eleminimin e tij fizik, dhe jo thjesht frikësimin. Pas ngjarjes, mjeti ka marrë rrugën në drejtim të Institutit, ka kaluar në Kamzë dhe në zonën e Qerekës, u gjet më pas i djegur. Sipas drejtorit të Policisë së Tiranës, autorët kanë qenë të maskuar në momentin kur kanë kryer krimin, gjë e cila vështirëson identifikimin e tyre. Në vendin e ngjarjes policia gjeti 7 gëzhoja, ndërkohë që fatmirësisht të dy personat e plagosur aktualisht ndodhen jashtë rrezikur për jetën.
Duke qenë se policia nuk ka mundur të sigurojë asnjë gjurmë të atentatorëve që qëlluan mbi dy personat në Don Bosko, hetimet kanë nisur nga aktivitetet e dy të shënjestruarve. Duke qenë se Rënaldo Metushi është vetëm 22 vjeç dhe i paskeduar më herët nga policia, fokusi është përqendruar tek aktiviteti kriminal i Kastriot Elezajt.
Ky i fundit ka qenë i skeduar në Itali për trafik droge, por edhe qeniesh njerëzore, ndërkohë që dyshohet si i përfshirë në një rrjet prostitucioni, ku shfrytëzoheshin vajzat e reja.
Drejtimi i autorëve për në Fushë Krujë, shtyn policinë drejt pistës që autorët që kanë marre pjesë në atentat, të kenë vepurar kundrejt pagesës, ndërsa grupi hetimor shpreson që shpejt të mund të marri edhe një dëshmi të atij që konsiderohet edhe shënjestra e sulmit të djeshëm, Kastriot Elezajt./ZËRI
