SHBA- Aktori amerikan Robert De Niro ka mbetur i habitur, teksa ishte duke lexuar fjalën e tij në ceremoninë e çmimeve kinematografike Gotham. Ai tha se dikush ia ka ndryshuar fjalimin, pa i treguar. Aktori doli në skenën e çmimeve të filmit 2023 Gotham Independent Film në New York, për të prezantuar filmin e Martin Scorsese. De Niro ndaloi së foluri, pasi tha se fjalët nuk ishin të tijat, por ishin redaktuar
80-vjeçari po lexonte nga teleprompteri, kur kuptoi se një pjesë e fjalimit ishte lënë jashtë, kështu që vazhdoi të lexonte komentet e redaktuara nga telefoni i tij. "Fillimi i fjalimit tim ishte i redaktuar, i prerë. Unë nuk e dija këtë" tha ai. De Niro më pas kritikoi Trumpin, duke deklaruar: “Ish-presidenti na gënjeu më shumë se 30,000 herë gjatë katër viteve të tij në detyrë dhe ai po mban ritmin e mashtrimeve me fushatën e tij aktuale të hakmarrjes. Me gjithë gënjeshtrat, ai nuk mund ta fshehë shpirtin e tij. Ai sulmon të dobëtit, shkatërron dhuratat e natyrës dhe tregon mungesë respekti, për njerëzit”.
De Niro deklaroi se Apple mund t’ia kishte redaktuar fjalimin. “Apple me siguri që është pas censurimit të fjalimit tim. Si guxojnë ta bëjnë këtë”, deklaroi aktori. De Niro e ka kritikuar rregullisht Trumpin në të kaluarën, me aktorin që e ka quajtur ish-presidentin "të keq" dhe "të ashpër".
Në një intervistë të vitit 2019 me The Independent ndërsa promovonte The Irishman, De Niro tha: “Trump kujdeset vetëm për një gjë: ai dëshiron të jetë shefi. Ai do të jetë shefi pa marrë parasysh se çfarë duhet bërë. Nëse ai fitoi zgjedhjet e ardhshme, ka padyshim më shumë shanse që ai të na lejojë të futemi në një luftë. Imagjinoni atë në një mandat të tretë”.
Past Lives, me regji të Celine Song, fitoi Dramën më të Mirë në Gotham Awards./Zëri.ai/
