ITALI- Në mesin e një krize të fortë në marrëdhënien e saj me Fedez, dhe akuzat që kanë rënduar për mashtrimet me aktivitetet e bamirësisë, Chiara Ferragni ka zgjedhur të shfaqet në një emision televiziv në Itali, për të thënë të vërtetat e saj. Ajo thotë se në rastin e skandalit me Pandoron ka vepruar në mirëbesim, ndërkohë që ka kërkuar edhe ndjesë për të gjithë personat që mund të jenë ndjerë të mashtruar.
"Vendimi i Antitrustit të 15 dhjetorit 2023 ishte një moment vendimtar. Nëse njerëzit e keqkuptuan, do të thotë se gjërat mund të ishin bërë më mirë. Që andej filloi një moment ndryshimi i madh. Mendova se nuk kisha bërë asgjë të keqe. Në atë moment kuptova se nëse disa njerëz i kishin keqkuptuar qëllimet e mia, diçka që kisha thënë apo shkruar, do të thotë se gjërat mund të ishin bërë më mirë. Ishte një moment ndryshimi i madh”, u shpreh Ferragni.
"Kërkoj falje, nuk bëj më operacione të këtij lloji. Dua të kthej gjithçka. Ishte një moment ndryshimi i madh. Unë nuk jam e idesë që bamirësia duhet të bëhet privatisht, të bëhet publikisht mund të krijojë një sensibilizim te të tjerët. Tani nuk duhet të jem perfekte, është bukur të tregoj papërsosmëritë”, tha më tej Ferragni.
"Ndarja me Federikon? Nuk ka strategji"
Chiara Ferragni ndërhyn edhe në thashethemet për një ndarje me Fedez . "Moment distancimi me Federikon? Të shohim, nuk e di. Pas çdo lëvizjeje që bëj, mendohet se ka një grup ekspertësh, nuk është kështu. Nuk është një strategji. Nuk ka asnjë ndryshim midis botës reale dhe virtuale”. Influencuesja preket duke parë videot e postuara në rrjetet sociale nga viti i kaluar me Fedez, që nga sëmundja te marrëdhënia me fëmijët e tij, e deri te video e faljes pas rastit Pandoro.
"Periudha e krizës më e fortë se ajo që kemi pasur në të kaluarën"
"Federico dhe unë jemi në kontakt - vazhdon ajo - ne jemi dy njerëz të rritur që e duam njëri-tjetrin, nuk është se nga një ditë në tjetrën nuk ndihemi më të lidhur. Është një periudhë krize, i kemi pasur në të kaluarën, kjo është një krizë pak më e fortë. Tani prioritet për ne të dy janë fëmijët”, përfundon ajo, duke nënvizuar se dëshiron të “jetojë më shumë të tashmen, jetën reale. Mediat sociale nuk janë gjithçka, edhe nëse është puna ime e ëndrrave, jeta jashtë duhet të jetohet”./ZËRI
