TIRANË- Sot në shtëpinë e 'Big Brother Vip' ka mbërritur një zarf i bardhë me sfidën e re që u është dhënë banorëve nga 'Vëllai i Madh'. Ata janë vendosur përballë njëri-tjetrit, të ndarë në çifte, ku kanë diskutuar për tema të ndryshme. Njëri duhet të ishte pro dhe tjetri kundra. Juli dhe Roza kanë qenë dy banorët të cilët kanë ndarë këndvështrimet e tyre në lidhje me temën nëse vjehrra duhet thirrur në emër apo mama.
Pjesë nga biseda:
Roza: Jam kundra sepse nuk është mamaja ime ajo. Vjehrra është mamaja e partnerit tim që ma ka zbukuruar jetën dhe faleminderit shumë zonja në fjalë që ka lindur një djalë kaq të mirë që të më zbukurojë mua jetën dhe të krijoj familjen por mami im është mami im. Nuk e shoh të arsyeshme që vjehrrën ta thërras mama por ta thëras në emër, mundësisht edhe zonjë përpara.
Juli: Po pra po nëse e thërret mama nuk do të thotë që është mamaja jote. Eshtë një formë respekti që ti shpreh ndaj familjes së bashkëshortit tënd, ndaj prindërve të bashkëshortit tënd, të cilët kanë rritur një djalë, i cili të pëlqen shumë ty. Dhe ti nëse e do atë, automatikisht ke një respekt edhe për prindërit e tij./ Zëri.ai
