SHBA- Modelja dhe stilistja e njohur, Sofia Richie, ka zbuluar për revistën Vogue lajmin emocionues se në moshën 25-vjeçare është shtatzënë me fëmijën e saj të parë me bashkëshortin e saj, Elliot Grainge. Këtë të enjte, vajza më e vogël e Lionel Richie ndau një fotosesion me të cilin njoftoi se është në fazën e fundit të pritjes së ëmbël.
Në muajin e gjashtë të shtatzënisë, Richie zbuloi se ai vendosi ta mbante lajmin privat fillimisht për të mbrojtur mirëqenien e saj.
"Shtatzënia është shumë e frikshme. Kam mësuar më shumë në gjashtë muajt e fundit sesa në të gjithë jetën time,”- tha ajo në intervistën e saj për revistën.
Nëna e ardhshme rrëfeu se ajo dhe Grainge, 30 vjeç, u befasuan kur morën vesh se prisnin një vajzë.
"Ne të dy menduam se do të ishte një djalë, kështu që ishte një tronditje e vërtetë."
Gjatë muajve të fundit, Richie e kishte mbajtur shtatzëninë diskrete, duke mbuluar barkun me pallto voluminoze.
Historia e dashurisë mes Richie dhe Grainge u bë publike gjatë muajve të parë të vitit 2021, kur modelja dhe drejtuesi i shtëpisë muzikore konfirmuan lidhjen e tyre. Fejesa e tyre u vulos në prill të vitit 2022 dhe, pikërisht një vit më vonë, ata festuan një martesë spektakolare në Francë me praninë e personaliteteve si Paris Hilton dhe Cameron Diaz. Sofia mahniti në ceremoni me një fustan ekskluziv të Chanel.
Para lidhjes së saj me Elliot Grainge, Sofia Richie ishte në titujt kryesorë për romancën e saj trevjeçare me Scott Disick, një figurë e njohur për publikun në reality show-n e famshëm "Keeping Up with the Kardashians". Ai ka 3 fëmijë me Kourtney Kardashian. Lidhja e Disick dhe Richie u përfol shumë pasi ishte 15 vjet më i madh se Sofia./ZËRI
