Sali Berisha
TIRANË-Partia Demokratike mbajti sot protestën e parë pas zgjedhjeve të 11 majit para Kryeministrisë. Kryedemokrati Sali Berisha mbajti fjalën i pari nga 'Parlamenti i PD' i hapur sot para kryeministrisë, ku theksoi se misioni i 'foltores 2' është të shpëtojë Shqipërinë nga regjimi i krimit. Aksioni opozitar do të jetë i përjavshëm, në formën e një platforme parlamente me podium në Bulevardin e kryeqytetit. Berisha nga foltorja përsëriti edhe njëherë ankesat, se Partia Socialiste nuk e lejon opozitën të debatojë në Kuvend. Berisha tha se foltorja do të vijojë derisa të dorëhiqen kryeministri Edi Rama dhe zëvendëskryemnistrja Belinda Balluku.
/ZËRI
Poll
