FOTO ILUSTRUESE
TIRANË-Mëngjesin e sotëm është përfshirë nga zjarri qendra e azil-kërkuesve në Babrru. Fatmirësisht si pasojë e flakëve ka pasur vetëm dëme materiale. Policia njofton se personat të cilët ndodheshin brenda qendrës janë evakuuar në kohë. Dyshohet se zjarri është shkaktuar nga një shkëndije elektrike.
Njoftimi i policisë:
Më datë 16.01.2025, rreth orës 08:40, dyshohet se si pasojë e një shkëndije elektrike ka rënë zjarr në qendrën azil-kërkues në Babrru.
Shërbimet e Policisë kanë evakuuar në kohë personat brenda qendrës.
Falë ndërhyrjes së menjëhershme të shërbimit zjarrfikës u bë e mundur fikja e zjarrit. Si pasojë e zjarrit ka vetëm dëme materiale. Grupi hetimor punon për përcaktimin e saktë të shkakut të rënies së zjarrit./ZËRI
Poll
