UKRAINË-Rusia ndërmori një seri sulmesh me raketa mbi kryeqytetin e Ukrainës, Kiev, duke lënë pas dy të vrarë e dhjetëra të plagosur. Bombardimet e orëve të fundit shkaktuan një valë të madhe tymi e flakësh mbi Kiev, ndërsa raketat prekën edhe ambasadën shqiptare.
Zëdhënësi i Departamentit të Shtetit të Shteteve të Bashkuara, Matthew Miller në një postim në rrjetin e tij social ‘X’ shprehet se SHBA dënon sulmin me raketa të Rusisë ndaj Kievit që vrau një civil dhe dëmtoi ambasadën e Shqipërisë në Ukrainë.
“Shtetet e Bashkuara dënojnë sulmin me raketa të Rusisë ndaj Kievit sot që vrau një civil dhe dëmtoi një ndërtesë ku priten disa misione diplomatike, duke përfshirë objektet e partnerëve tanë Shqipërinë, Argjentinën, Çekinë, Malin e Zi, Maqedoninë e Veriut dhe Portugalinë”, shprehet ai.
The United States condemns Russia's missile attack on Kyiv today that killed a civilian and damaged a building hosting several diplomatic missions, including the facilities of our partners Albania, Argentina, Czechia, Montenegro, North Macedonia, and Portugal.
— Matthew Miller (@StateDeptSpox) December 20, 2024
Ambasada shqiptare në Kiev është dëmtuar, si pasojë e sulmeve ruse në Ukrainë të ndodhur një ditë më parë. Përmes një njoftimi Ministria e Jashtme deklaroi se si pasojë e sulmeve u vu në rrezik jeta e personelit diplomatik. Nga sulmi rus është goditur edhe infrastruktura kritike në Rajonin e Goloseevit, ku gjenden 6 ambasada, në mesin e të cilëve edhe ajo shqiptare. Fatmirësisht nga ky sulm raportohet vetëm për dëme materiale dhe asnjë nga anëtarët e personelit nuk është lënduar nga sulmi./ZËRI
