Sterilizimi, paraqitet në SPAK Ilir Beqaj: Të martën më kthejnë hard diskun!

Si çdo të premte, ish-ministri Ilir Beqaj u paraqit në SPAK, në zbatim të masës së sigurisë "detyrim paraqitje".

D.XH

26 Janar 2024, 15:38

Ilir Beqaj

TIRANË – Ish-ministri i Shëndetësisë Ilir Beqaj është paraqitur në SPAK, si çdo të premte, për të zbatuar masën e sigurisë “detyrim paraqitje”, për çështjen e koncesionit të sterilizimit.

Beqaj, në një deklaratë të shkurtër përpara mediave deklaroi se oficeri i Byrosë Kombëtare të Hetimit i ka thënë se të martën e ardhshme do i kthejnë hard diskun e kompjuterit, që ia kanë sekuestruar.

“Dihet se çdo të premte ndodhem këtu. Oficeri i Byrosë Kombëtare të Hetimit më ka konfirmuar se hard diskun e kompjuerit tim, do ta marr të martën”, tha Beqaj.

Në muajin nëntor 2023, pas kërkesës së SPAK, gjykata caktoi masën e sigurisë “detyrim paraqitje” për Beqajn. Ai akuzohet për shpërdorim detyre.

Hetimet që zgjatën disa vite të SPAK, kanë zbuluar shkelje të ligjit në procedurat e dhënies të njërit prej koncesioneve më të kushtueshme në sektorin e shëndetësisë, me qëllimin e vetëm, shpalljen fitues të kompanive të Ilir Rrapajt dhe shtetasit italian, Umbro Staccini./ZËRI/