KOSOVË-Mandarinat me origjinë nga Shqipëria janë të sigurta për konsum, thonë analizat e Agjencisë së Ushqimit dhe Veterinarisë në Kosovë. Lamir Thaçi nga AUV, në një përgjigje për GazetaExpress pohon se “ngarkesat e testuara u përgjigjen kritereve ligjore të sigurisë ushqimore, dhe do të lirohen për qarkullim në treg dhe konsum”.
Në kufirin me Kosovën ndodhet i bllokuar një kamion prej 9 tonësh me mandarina nga Shqipëria. Po ashtu në Terminalin e Prishtinës janë ndaluar afro 8 kamion me ngarkesa të mandarinës shqiptare në pritje të rezultateve të analizave. Ndalesa erdhi pasi klorperifosi dhe fosmeti, dy lloje të pesticideve të ndaluara u zbuluan në mandarinat që vijnë nga Shqipëria.
REAGIMI:
Agjencia e Ushqimit dhe Veterinarisë sot ka pranuar rezultatet e analizave laboratorike të mostrave të dyshuara për mbetje të pesticideve mbi nivelin e lejuar ( MRL) në produktin mandarinë me origjine nga Shqipëria dhe te tjera. Rezultatet kanë konfirmuar se produktet nga ngarkesat / kontingjentet në fjale i përmbushin standardet ndërkombëtare të sigurisë ushqimore dhe janë të sigurta për konsum. Mostrat përfaqësuese janë marrë nga gjashtë ngarkesa/ kontingjente me origjinë të ndryshme, ku katër prej tyre janë nga Shqipëria.
Vlerat e fituara nga testet laboratorike për mostrat e dyshuara, gjithnjë duke ju referuar limiteve të përcaktuara me rregulloren e Bashkimit Evropian No. 396/2005 mbi nivelet maksimale të mbetjeve të pesticideve në ushqim dhe ushqim për kafshë me origjinë bimore dhe shtazore, respektivisht rregulloreve/ amendamenteve (EU) No. 2020/1085 për nivelet maksimale të mbetjeve për Chlorpyrifos dhe chlorpyrifos -metil, dhe amendamentit/ rregullores (EU) 2023/1029, për nivele maksimale të mbetjeve për phosmet. Metoda laboratorike e testim është konfirmative (EN 15662:2018). Ngarkesat e testuara u përgjigjen kritereve ligjore të sigurisë ushqimore, andaj do të lirohen për qarkullim në treg dhe konsum. Duke ndjerë përgjegjësinë ligjore sipas mandatit zyrtar, ne kemi vepruar menjëherë pas ngritjes se dyshimeve rreth sigurisë se produktit Mandarinë edhe pse notifikimet nga RASFF nuk kanë qenë për produktet te cilat jene dërguar në ndonjë formë apo tjetër në treg të Kosovës.
Tani me nxjerrjen e rezultateve laboratorike është konfirmuar se mandarinat janë të sigurta për konsum. Do të vazhdojmë me kontrolle të ngarkesave ne import sipas vlerësimit te riskut, duke përfshirë edhe masat shtesë të kontrollit në te gjitha fazat inspektuese, përfshirë edhe marrje mostrash dhe testime laboratorike. Çdo produkt qe ka për synim tregun e vendit tonë, gjithmonë inspektohet në mbikëqyrje të përmbushjes se kritereve ligjore të sigurisë ushqimore.
-
Dolën me pesticide, edhe Kosova ndalon mandarinat nga Shqipëria
19 Dhjetor, 17:07 -
-
Në total, të paktën 20 ton mandarina të eksportuara nga Divjaka në vendet e Bashkimit Evropian janë bllokuar dhe asgjësuar. Vende si Kroacia, Republika Çeke, Italia dhe Lituania kanë bërë analizat dhe kanë vënë re se në ngarkesë ka mbetje të disa substancave të rrezikshme për shëndetin e njeriut dhe të ndaluara për tregtim në Bashkimin Evropian./ZËRI
