TIRANË- Gjykata e Posaçme e Apelit për Korrupsionin dhe Krimin e Organizuar ka vendosur sot që të pezullojë, vujajtjen e dënimit me burg për pesë ish-zyrtarë të Bashkisë së Tiranës, të pandehur në një prej fraksioneve të dosjes së njohur si “5D”.
Trupa gjykuese, e kryesuar nga Miliana Muça, me anëtare Saida Dollani dhe Tereza Merkaj, la në fuqi vendimin e shkallës së parë, por ndryshoi mënyrën e ekzekutimit të dënimit, nga me burg në shërbim prove.
Në mesin e të pandehurve që i shpëtojnë burgut, është dhe ish-drejtoresha e "Tirana Parking", Eglantina Zere.
Për: Eglantina Zere, Enkelejda Qyta, Bruno Koçi, Rivjola Baxha dhe Kristo Zhulati, Apeli ka lënë në fuqi dënimet me burg të dhëna nga Shkalla e Parë, por ka vendosur pezullimin e ekzekutimit të dënimeve me burg dhe lënien e tyre në Shërbim Prove.
-
-
-
SPAK merr në pyetje biznesmenët që fituan tendera nga “5D”
14 Korrik, 13:42 -
Dosja 5D/ GJKKO dënon me 4 vite burg 5 ish-zyrtarët e Bashkisë Tiranë
17 Qershor, 13:29 -
-
-
-
Ata u shpallën fajtorë për veprën penale “Shkelja e barazisë së pjesëmarrësve në tendera apo ankande publike”, kryer në bashkëpunim.
Apeli vendosi pezullimin e ekzekutimit të dënimit me burg dhe vendosjen e tyre në shërbim prove për 12 muaj, me detyrimin për t’u paraqitur pranë Shërbimit të Provës dhe për të mos kryer vepra të tjera penale.
Gjithashtu, të pesëve u është hequr e drejta për të ushtruar funksione publike për një periudhë prej 5 vitesh.
Zyrtarët e bashkisë Tirane u akuzuan nga SPAK, se favorizuan në mënyrë të paligjshme një kompani të zotëruar “de facto” nga ish-kreu i Ujësjellësit, Redi Molla dhe ai i IMT-së, Mariglen Qato, duke e ushqyer atë me tendëra publikë.
Vendimi u shpall gjatë kësaj të enjteje dhe ndaj tij lejohet rekurs në Gjykatën e Lartë brenda 15 ditëve. Më herët në kuadër të dosjes 5D u lirua nga burgu dhe një prej drejtorëve të arrestuar, Taulant Tushe./ZËRI
